E hëna në Kosovë do të karakterizohet me mot kryesisht me diell, ndërsa në disa rajone priten vranësira të pakta lokale. Mëngjesi do të jetë mjaft i ftohtë, me acar të theksuar, ku temperaturat minimale pritet të zbresin nga -5 deri në -9 gradë Celsius.
Gjatë ditës do të fryjnë erëra të ftohta nga verilindja, ndërsa temperaturat maksimale do të lëvizin nga 0 deri në 3 gradë Celsius, duke e mbajtur ndjesinë e të ftohtit të lartë gjatë gjithë ditës.
Në Shqipëri, Maqedoninë e Veriut, Luginën e Preshevës dhe Malin e Zi, dita e hënë do të sjellë mot kryesisht me diell dhe vranësira të pakta lokale. Në shumicën e rajoneve pritet mot i kthjellët, ndërsa vranësira do të jenë më të theksuara vetëm në juglindje të Shqipërisë dhe pjesërisht në jug të Maqedonisë së Veriut.
