E marta në Kosovë pritet të karakterizohet nga mot stabil, me intervale kohore me diell dhe vranësira lokale. Mëngjesi do të jetë mjaft i ftohtë, duke shënuar ngrica në shumë zona, ndërsa vende-vende parashihen mjegull ose vranësira të ulëta që mund të qëndrojnë më gjatë.
Gjatë ditës, pjesa më madhe e territorit do të shijojë periudha me diell, përveç disa rajoneve ku vranësirat e ulëta mund të mbeten të pranishme.
Temperaturat minimale pritet të zbresin deri në -1 apo -2 gradë Celsius, ndërsa ato maksimale do të arrijnë deri në 11 gradë Celsius.
Moti mbetet pa reshje dhe relativisht i qetë, në kuadër të kushteve tipike dimërore.
