Kosova pritet të përjetojë një ditë të martë tipike verore, me mot të kthjellët dhe temperatura të larta. Sipas parashikimeve meteorologjike, dita do të karakterizohet nga diell i fortë dhe nxehtësi, me temperatura maksimale që do të arrijnë deri në 31°C. Lokalisht mund të ketë vranësira të pakta, ndërsa në orët e vona të pasdites, vetëm në disa zona të thella malore, nuk përjashtohet mundësia për ndonjë rrebesh të izoluar shiu, të shoqëruar me vetëtima dhe bubullimë.
Edhe në Shqipëri, Maqedoninë e Veriut, Luginën e Preshevës dhe Mal të Zi, moti do të jetë kryesisht me diell dhe i nxehtë veror. Vranësirat pritet të jenë të pakta dhe të përkohshme, por në zonat kodrinore e malore gjatë pasdites mund të shfaqen reshje të lehta afatshkurtra, të shoqëruara me dukuri elektrike.
Meteorologët apelojnë për kujdes në orët e mesditës për shkak të rrezeve UV të larta, si dhe për hidratuese të mjaftueshme gjatë gjithë ditës.
