Orët e hershme të mëngjesit të së martës në Kosovë do të shoqërohen me fjolla bore në disa zona të izoluara. Gjatë ditës moti do të jetë kryesisht i vranët, por herë pas here nuk përjashtohen intervale të shkurtra me diell. Vones pasdite, lokalisht pritet rikthim i reshjeve të shiut.
Temperaturat do të luhaten nga 0 gradë Celsius minimalja deri në 10 gradë Celsius maksimalja.
Në Shqipëri, Maqedoninë e Veriut, Luginë të Preshevës dhe Mal të Zi, e marta sjell vranësira të shumta, me mundësi për intervale kohore me diell dhe reshje lokale shiu që do të paraqiten herë pas here.
