Të martën në Kosovë pritet të mbajë mot kryesisht i vranët, me reshje lokale shiu, të cilat do të jenë më të theksuara në rajonin e Dukagjinit. Pavarësisht vranësirave, në disa zona, veçanërisht në Rrafshin e Kosovës, parashihen intervale të shkurtra kohore me diell.
Temperaturat do të vazhdojnë të mbeten relativisht të larta për këtë periudhë të vitit, ndërsa ajo maksimale pritet të arrijë deri në 15 gradë Celsius.
Edhe në Shqipëri, Maqedoninë e Veriut, Luginën e Preshevës dhe Malin e Zi, dita e martë do të karakterizohet nga mot kryesisht i vranët. Vende-vende parashihen reshje shiu të karakterit lokal dhe të herëpashershme, pa ndonjë intensitet të lartë.
