Të mërkurën në Kosovë pritet të mbajë mot i vranët dhe relativisht i ftohtë. Parashihen reshje të pakta lokale shiu, shqote dhe bore, kryesisht të përqendruara në viset malore, ndërsa në pjesët tjera reshjet do të jenë shumë të pakta ose do të mungojnë fare.
Temperaturat pritet të luhaten nga 1 gradë Celsius minimalja deri në 12 gradë Celsius maksimalja.
Në Shqipëri, Maqedoninë e Veriut, Luginën e Preshevës dhe Malin e Zi pritet mot kryesisht i vranët dhe relativisht i ftohtë. Në disa zona të Shqipërisë dhe Maqedonisë së Veriut priten reshje shiu, ndërsa në viset kodrinore-malore do të ketë reshje të herëpashershme shqote dhe bore.
