Të mërkurën, në territorin e Kosovës pritet të mbajë mot me vranësira të shpeshta, të cilat vetëm herë pas here do të lënë hapësirë për intervale të shkurtra me diell, kryesisht në disa rajone të izoluara.
Atmosfera do të shoqërohet edhe me rrebeshe lokale dhe kalimtare shiu, të cilat do të paraqiten kryesisht gjatë ditës, por pa intensitet të lartë.
Temperaturat e ajrit do të luhaten nga -1°C në orët e mëngjesit, ndërsa maksimalja e ditës pritet të arrijë deri në 10°C, duke mbetur brenda vlerave tipike të fund-nëntorit.
