Të premten në Kosovë pritet të vazhdojë moti stabil dhe kryesisht me diell. Gjatë ditës mund të ketë vranësira të pakta lokale, ndërsa rrallë në ndonjë zonë malore mund të paraqitet ndonjë rigë ose rrebesh afatshkurtër shiu.
Temperaturat do të lëvizin nga 0 gradë Celsius minimalja deri në 19 gradë Celsius maksimalja, duke sjellë kushte të ngrohta pranverore gjatë ditës.
Në Shqipëri, Maqedoninë e Veriut, Luginën e Preshevës dhe Malin e Zi pritet mot kryesisht me diell dhe me vranësira lokale. Në orët e pasdites parashihen zhvillime më të theksuara të vranësirave, të cilat në disa rajone të Shqipërisë mund të sjellin rrebeshe të izoluara shiu të shoqëruara me vetëtima dhe bubullimë.
