Të premten në Kosovë parashihet mot kryesisht me vranësira, të cilat vende-vende do të sjellin reshje lokale shiu, ndërsa në viset malore priten reshje të herëpashershme bore. Reshjet do të jenë kryesisht të dobëta dhe afatshkurtra.
Temperaturat mbeten pa ndryshime të theksuara, me minimale rreth 2°C dhe maksimale deri në 9°C.
Në Shqipëri, e premtja sjell riga shiu, vende-vende edhe rrebeshe afatshkurtra, ndërsa në zonat malore të larta priten reshje bore.
Në Maqedoninë e Veriut, Luginën e Preshevës dhe Malin e Zi, moti do të jetë me vranësira dhe intervale të shkurtra me diell, duke u shoqëruar me riga lokale shiu dhe pak borë në viset malore.
