E shtuna në Kosovë nuk do të sjellë ndryshime domethënëse në kushtet atmosferike. Vendi pritet të mbetet nën ndikimin e vranësirave të herëpashershme dhe intervaleve me diell, ndërsa në disa rajone do të shfaqet mjegulla, veçanërisht në orët e mëngjesit. Ngrica po ashtu do të jetë e pranishme në shumë zona, duke krijuar një fillim dite të ftohtë.
Temperaturat minimale pritet të zbresin deri në -2°C, ndërsa ato maksimale do të arrijnë deri në 8°C, vlera këto tipike për fundin e nëntorit në vend.
Ndërkohë, në Shqipëri, Maqedoninë e Veriut, Luginën e Preshevës dhe Mal të Zi, e shtuna sjell mot kryesisht me diell në pjesën më të madhe të territorit. Vranësira më të theksuara priten vetëm në zonat malore, ndërsa mëngjesi do të jetë paksa i ftohtë dhe lokalisht me mjegull.
Meteorologët parashikojnë stabilitet të lehtë atmosferik edhe në ditët në vijim, megjithëse temperaturat mbeten nën mesatare për këtë periudhë të vitit.
