Fundjava në Kosovë do të nisë me mot të kthjellët dhe temperatura të larta për këtë periudhë. Sipas parashikimeve meteorologjike, të shtunën minimalet do të zbresin deri në 12 gradë Celsius, ndërsa maksimalet do të arrijnë nga 28 deri në 31 gradë. Pasdite priten disa vranësira kalimtare, ndërsa vetëm në zonat malore mund të ketë rigë ose rrebesh të shkurtër shiu.
Edhe në Shqipëri, Maqedoninë e Veriut, Luginën e Preshevës dhe Mal të Zi, dita e shtunë do të karakterizohet nga moti kryesisht me diell dhe i nxehtë. Përjashtim do të bëjnë disa vise malore, ku sidomos në qendër të Shqipërisë dhe në Malet e Malit të Zi, parashikohen rrebeshe të izoluara shiu, të shoqëruara me vetëtima dhe bubullimë.
