Kryeministri Edi Rama ka ushtruar të drejtën e votës këtë të diel në qendrën e votimit në Surrel, i shoqëruar nga bashkëshortja e tij, Linda Rama. Pas votimit, Rama bëri një deklaratë të shkurtër për mediat.
“S’na mbetet gjë për të thënë, të presim çfarë do të thotë populli,” u shpreh ai, duke shmangur komentet e mëtejshme për procesin zgjedhor.
Megjithatë, Rama nuk pranoi të përgjigjej në lidhje me vendimin për faljen e gjobave administrative vetëm dy ditë para zgjedhjeve, një vendim që ka ngjallur debat në opinionin publik dhe mes partive opozitare.
