Kryeministri Edi Rama ka reaguar pas sigurimit të mandatit të tij të katërt si drejtues i qeverisë shqiptare, pasi Partia Socialiste ka arritur të fitojë 83 ulëse në Parlamentin e ri.
Pas shpalljes së rezultateve përfundimtare, kreu i qeverisë ka njoftuar se do të mbajë fjalimin e fitores mbrëmjen e sotme, më 14 maj, në orën 19:00 në Sheshin Skënderbej, ku pritet të mblidhen mbështetës dhe simpatizantë të Partisë Socialiste.
Përmes një mesazhi të publikuar në rrjetet sociale, Rama u ka shprehur mirënjohje qytetarëve shqiptarë për mbështetjen e dhënë. “Mirëmëngjes 🇦🇱 dhe duke ju rrëfyer se s’po i gjej dot fjalët për të shqiptuar sonte në 7 në Sheshin Skënderbej, ju falenderoj përgjunjësisht për besimin e patregueshëm e ju uroj një ditë të mbarë❤️🖐️”, ka shkruar ai.
Fitorja e katërt radhazi e Partisë Socialiste e konsolidon më tej pozitën e Ramës në politikën shqiptare dhe hap një kapitull të ri për drejtimin e vendit në katër vitet e ardhshme.
