Caleb Ekuban ishte protagonisti kryesor në fitoren spektakolare të Genoa-s, e cila triumfoi me përmbysje 3–2 ndaj Bologna-s në ndeshjen e zhvilluar në orën 15:00. Ish-sulmuesi i Partizani Tirana realizoi golin e barazimit disa minuta para fundit, duke i hapur rrugë përmbysjes së plotë të vendasve.
Në të njëjtën orë u zhvillua edhe sfida mes Atalanta-s dhe Parma-s, ku bergamaskët triumfuan bindshëm me rezultat 4–0. Kapiteni i Kombëtares shqiptare, Berat Gjimshiti, e nisi takimin si titullar dhe luajti gjatë gjithë pjesës së parë, duke kontribuar në një paraqitje solide të mbrojtjes.
Më herët gjatë ditës u luajt edhe përballja mes Sassuolo-s dhe Cremonese-s, ku vendasit fituan minimalisht me rezultat 1–0.
Të gjitha këto ndeshje ishin të vlefshme për javën e 22-të të Serisë A.
Rezultatet përfundimtare – Java e 22-të (Serie A):
Sassuolo 1–0 Cremonese
Atalanta 4–0 Parma
Genoa 3–2 Bologna
