Kryetari i Aleanca për Ardhmërinë e Kosovës, Ramush Haradinaj, ka përkujtuar 24 Marsin si një nga datat më të rëndësishme në historinë e Kosovës, duke e lidhur atë me sakrificën e luftëtarëve dhe ndërhyrjen vendimtare të NATO.
Haradinaj rikujtoi se më 24 mars 1998, në Epopejën e Dukagjinit ranë dëshmorët Hima, Gazmendi dhe Agroni, duke e cilësuar flijimin e tyre si frymëzim për vazhdimin e luftës çlirimtare.
Ai theksoi se një vit më vonë, ndërhyrja e NATO-s, e udhëhequr nga Shtetet e Bashkuara të Amerikës, shënoi momentin kulmor që çoi drejt çlirimit të Kosovës.
Sipas tij, bashkëveprimi i Ushtria Çlirimtare e Kosovës në terren dhe i NATO-s në ajër i dha fund regjimit të Slobodan Millosheviqit dhe hapi rrugën drejt lirisë dhe pavarësisë së vendit.
Në mesazhin e tij, Haradinaj bëri thirrje për nderim dhe kujtesë ndaj të rënëve dhe aleatëve ndërkombëtarë, duke theksuar se sakrifica e tyre mbetet themel i shtetit të Kosovës.
