Kryetari i Nismës, Fatmir Limaj, ka bërë thirrje që qytetarët të dalin sot për të ushtruar të drejtën e tyre të votës dhe për t’i dhënë mundësi përmirësimit të jetës në komunat ku jetojnë.
Pasi hodhi votën e tij, Limaj theksoi se pret që nga këto zgjedhje lokale të fitojnë kandidatët që vlerësohen për punën dhe angazhimin e tyre.
“Të gjithë qytetarët e Kosovës kanë një shans të jashtëzakonshëm për të vlerësuar punën e atyre që kanë shërbyer, dhe për t’i dhënë vetes mundësinë për të përmirësuar jetën. Shpresoj që fitoret e kandidatëve të jenë fitore edhe për qytetarët, jo vetëm për vetë ata,” u shpreh Limaj.
Ai shtoi se rezultatet e zgjedhjeve duhet të reflektojnë angazhimin dhe punën e kryetarëve, duke sjellë përfitime konkrete për komunitetet e tyre.
