Atmosferë elektrizuese në rrugët e Barcelonës, ku mijëra tifozë dolën për të festuar triumfin e skuadrës së zemrës. FC Barcelona është shpallur kampione e La Ligës për herë të 28-të në histori, duke përmbyllur një sezon të jashtëzakonshëm me tre trofe në total.
Përveç titullit të kampionit në kampionatin spanjoll, katalanasit fituan edhe Kupën e Mbretit dhe Superkupën e Spanjës, duke lënë pas rivalin e përjetshëm, Real Madridin, në të gjitha garat vendase.
Klubi organizoi një paradë festive nëpër rrugët kryesore të qytetit, ku futbollistët, stafi teknik dhe drejtuesit përshëndetën tifozët nga autobusi i hapur. Qyteti u kthye në një festë të vërtetë, ndërsa pamjet e kësaj ngjarjeje të jashtëzakonshme bënë xhiron e botës përmes mediave dhe rrjeteve sociale.
Kjo fitore e trefishtë rikthen Barcelonën në majën e futbollit spanjoll dhe ngjall besimin e tifozëve për një epokë të re suksesi në Camp Nou.
