Qendra Kombëtare për Menaxhim Kufitar ka publikuar të dhënat më të fundit mbi gjendjen në pikat e kalimit kufitar të Republikës së Kosovës, të përditësuara më 2 janar 2026, në ora 08:18.
Sipas këtij raporti, në shumicën e pikave kufitare fluksi i automjeteve është i qetë, me pritje të shkurtra prej 3 deri në 5 minuta si në hyrje ashtu edhe në dalje, pa kolona të theksuara.
Megjithatë, pritje më të gjata janë regjistruar në disa pika specifike:
-
Merdarë: Në dalje nga Kosova, pritjet për automjete variojnë nga 60 deri në 80 minuta, me kolona që arrijnë deri në 600 metra.
-
Dheu i Bardhë: Në dalje është raportuar kolonë deri në 400 metra, ndërsa pritjet në hyrje janë rreth 5 minuta.
Në pikat e tjera kufitare si Bërnjak, Jarinje, Hani i Elezit, Vërmicë, Kullë, Qafë e Morinës dhe Qafë e Prushit, qarkullimi po zhvillohet normalisht, pa vonesa të theksuara.
Sa i përket qarkullimit të kamionëve, situata paraqitet stabile në të gjitha pikat kufitare, me pritje minimale prej 3 deri në 5 minuta dhe pa kolona.
Autoritetet kufitare u bëjnë thirrje qytetarëve dhe mërgimtarëve që, para nisjes, të informohen rregullisht mbi gjendjen në pikat kufitare dhe të planifikojnë udhëtimin e tyre duke marrë parasysh këto vonesa, veçanërisht në Merdarë dhe Dheu i Bardhë.
