Qendra Kombëtare për Menaxhim Kufitar ka njoftuar të dielën në mëngjes (24 gusht 2025, ora 08:07) për gjendjen e fluksit në pikat e kalimit kufitar dhe situatën e rrugëve në vend.
Sipas raportit zyrtar, pothuajse të gjitha pikat kufitare funksionojnë normalisht, me pritje të shkurtra prej 3 deri në 5 minuta për automjetet dhe kamionët, si në hyrje ashtu edhe në dalje.
Pikat me pritje më të theksuara:
-
Dheu i Bardhë: deri në 60 minuta pritje në dalje për automjete, me kolona rreth 500 metra.
-
Jarinje: vonesa prej 20–30 minutash për automjete në dalje.
-
Merdarë dhe Mutivodë: pritje nga 5 deri në 10 minuta.
Në të gjitha pikat e tjera kufitare – përfshirë Bërnjakun, Glloboqicën, Hanin e Elezit, Kullën, Qafën e Morinës, Qafën e Prushit, Stançiqin, Vërmicën dhe Muçibabën – pritjet për automjete dhe kamionë janë minimale, nga 3 deri në 5 minuta, pa kolona të dukshme.
QKMF ka bërë apel tek qytetarët që të planifikojnë udhëtimin e tyre duke marrë parasysh fluksin e përditësuar në kufi.
