Qendra Kombëtare për Menaxhim Kufitar ka publikuar të dhënat e fundit mbi fluksin në pikat e kalimit kufitar, të përditësuara më 26 dhjetor 2025, në orën 07:11.
Sipas njoftimit zyrtar, në të gjitha pikat kufitare të Kosovës po regjistrohet fluks i ulët i automjeteve dhe kamionëve, pa kolona dhe me pritje minimale si në hyrje ashtu edhe në dalje.
Në shumicën e pikave, përfshirë Bërnjakun, Dheu i Bardhë, Glloboqicën, Hanin e Elezit, Kullën, Vërmicën, Qafën e Morinës dhe Qafën e Prushit, pritjet për automjete sillen nga 3 deri në 5 minuta. Në Merdarë dhe Jarinje, në dalje të automjeteve ka pritje pak më të gjata, deri në 10 minuta, por pa krijim kolonash.
Edhe për qarkullimin e kamionëve, situata paraqitet stabile, me pritje prej 3 deri në 5 minutash në të gjitha pikat kufitare dhe pa radhë apo bllokime.
Autoritetet rekomandojnë qytetarët që, pavarësisht gjendjes së favorshme aktuale, të informohen rregullisht për përditësimet e fundit, veçanërisht gjatë ditëve të festave, kur fluksi mund të ndryshojë brenda një kohe të shkurtër.
