Gjeneral Fadil Nimani, i njohur ndryshe si “Komandant Tigri”, është një nga figurat më të shquara të luftës për liri dhe dinjitet kombëtar. Me guximin, urtësinë dhe përkushtimin e tij të palëkundur ndaj atdheut, ai u bë udhëheqës frymëzues për shumë bashkëluftëtarë dhe brezave që vijnë.
Më 25 maj 2001, në fshatin Vaksincë të Kumanovës, Gjeneral Nimani ra heroikisht në përballje me forcat okupatore sllave. Rënia e tij nuk ishte humbje, por një dëshmi e lartë e sakrificës për lirinë dhe të ardhmen e kombit shqiptar. Ai e vulosi me gjakun e tij rrugën e lavdisë që ndriçon sot historinë tonë më të re.
Emri i tij do të mbetet përjetë në kujtesën tonë kombëtare, si simbol i trimërisë, drejtësisë dhe dashurisë së pashoq për atdheun.
