Një grua ka humbur jetën mëngjesin e së enjtes në Gjakovë, ndërsa rasti është raportuar në polici nga partneri i saj, me të cilin ajo bashkëjetonte. Ai ka deklaruar se dyshon se viktima mund të ketë marrë trajtim të pandërgjegjshëm mjekësor para vdekjes.
Sipas njoftimit zyrtar të Policisë së Kosovës, ngjarja është regjistruar rreth orës 09:20 në rrugën “Dëshmorët e Lirisë”.
“Ankuesi mashkull kosovar ka raportuar se ka ndërruar jetë viktima femër kosovare me të cilën ka bashkëjetuar. I njëjti dyshon se ka pasur trajtim të pandërgjegjshëm mjekësor. Me vendim të prokurorit, trupi i pajetë është dërguar në IML për obduksion”, thuhet në raport.
Rezultatet e obduksionit pritet të hedhin dritë mbi shkaqet e vdekjes, ndërsa hetimet për rastin po vazhdojnë.
