Kandidati i Lëvizjes Vetëvendosje për kryetar të Prishtinës, Hajrulla Çeku, ka ushtruar të drejtën e tij të votës këtë të diel.
Pas votimit, Çeku u bëri thirrje qytetarëve të dalin në zgjedhje, duke e cilësuar ditën e sotme si një festë të demokracisë.
“Dita e zgjedhjeve duhet të jetë ditë feste,” – deklaroi Çeku, duke theksuar rëndësinë e pjesëmarrjes qytetare në vendimmarrje.
Procesi zgjedhor në kryeqytet po zhvillohet në mënyrë të qetë, ndërsa pritet pjesëmarrje e lartë e votuesve gjatë orëve të pasdites.
