Haradinaj ka thënë se veprimet e Nismës tregojnë një ndarje të qartë nga opozita, dhe se pozicionimi i saj në raport me konstituimin e institucioneve është në kundërshtim me interesin e përbashkët.
“Konstituimi i Kuvendit është interes i te gjithëve. Aleanca angazhohet dhe punon ta bëjë Qeverinë me opozitën ne rast te dështimit nga pozita”, ka thënë Haradinaj.
Haradinaj tregoi gjithashtu se nuk ka pasur asnjë komunikim me Nismën që nga, siç e quajti, “intervista e famshme” në Debat Plus, duke aluduar në distancimin e plotë mes dy partive – ndonëse në zgjedhjet e 9 shkurtit hyn si koalicion.
Ai tha se nëse Nisma zgjedh të mbështesë pushtetin aktual, kjo do të thotë një ndarje me opozitën, ndarje të cilën e konsideron “të turpshme”.
“S’kam komunikim me Nismën qe nga intervista e fundit e famshme. Ka qenë shumë e vështirë krijimi i shumicës nga opozita. Pozicionimi i tij i hershëm e ka bo edhe me te vështirë. Nëse Nisma dhe Limaj mbështesin pushtetin, kuptohet që ata ndahen nga ne, por është një ndarje mjaft e turpshme. Sjellja dhe veprimi i tyre është mjaft i turpshëm”, ka shtuar Haradinaj.
