Ushtruesja e detyrës së presidentes, Albulena Haxhiu, ka caktuar datën 6 gusht për seancën konstituive të Kuvendit të Kosovës, një ditë para përfundimit të afatit.
Haxhiu përmes një letre e ka njoftuar nënkryetarin e legjislaturës së kaluar të Kuvendit, Ardian Gola, për këtë vendim dhe i ka kërkuar që të njëjtën t’ia përcjellë edhe Kryesisë së vjetër të Kuvendit.
Sipas praktikës, Kryesia e vjetër e Kuvendit, pas zgjedhjeve, është përgjegjëse për përgatitjen e seancës konstituive dhe rendit të ditës në të.
Sipas aktgjykimeve të Gjykatës Kushtetuese nga konstituimi i Kuvendit nis edhe periudha 60-ditore, gjatë së cilës deputetët e legjislaturës së re duhet të zgjedhin presidentin e ri, në të kundërtën vendi shkon sërish në zgjedhje./Express/
