E ardhmja e Simone Inzaghit në pankinën e Interit është në pikëpyetje, teksa trajneri dhe klubi nuk janë të gatshëm të vazhdojnë bashkëpunimin në kushte të paqarta. Aktualisht, Inzaghi ka kontratë me zikaltrit deri në verën e vitit 2026, por vendimi për të ardhmen do të merret pas finales së Ligës së Kampionëve.
Në tryezën e Inzaghit ndodhen dy oferta të rëndësishme: një propozim joshës nga skuadra saudite Al Hilal, që i garanton 20 milionë euro në sezon, dhe një ofertë rinovimi nga Interi deri në vitin 2028, me pagë vjetore prej 7.5 milionë euro. Trajneri ka vendosur të mos diskutojë për asgjë deri pas finales europiane, e cila mund të përcaktojë drejtimin e tij të ardhshëm.
Plani B i Interit: Alegri në pritje
Në rast se Inzaghi vendos të largohet pas katër sezonesh, ku ka fituar një titull kampion dhe ka shkuar dy herë në finalen e Champions-it – pa llogaritur trofetë e Kupës së Italisë – drejtuesit e klubit nuk qëndrojnë pasivë. Administratori i deleguar, Beppe Marotta, ka identifikuar Massimiliano Allegrin si kandidatin kryesor për ta zëvendësuar.
Pas një sezoni pauzë pas largimit nga Juventusi, Allegrit mund t’i rikthehet futbollit italian pikërisht në stolin zikaltër, në një rikthim që do të sillte përvojë dhe qetësi në menaxhimin e një skuadre të ndërtuar për të qëndruar në majat e futbollit europian.
Java pas finales do të jetë vendimtare për të ardhmen e pankinës së Interit – me ose pa Inzaghin.
