Ish-ambasadori holandez në Kosovë, Robert Bosch, iu drejtua sot protestuesve që po kundërshtojnë padrejtësitë ndaj ish-krerëve të UÇK-së.
Bosch kujtoi periudhën kur shërbeu në Kosovë, përfshirë edhe kohën kur u formua Gjykata Speciale. Ai ndau një episod nga një bisedë private me ish-kryeministrin Hashim Thaçi, në të cilën e kishte siguruar se nuk kishte arsye për t’u shqetësuar.
“Unë i thashë se nëse do të ketë një gjykatë të drejtë, ai do të lirohet, sepse nuk ka prova,” deklaroi Bosch para turmës së mbledhur.
Protesta e sotme është pjesë e mobilizimeve qytetare në mbështetje të ish-udhëheqësve të UÇK-së, të cilët po përballen me procese gjyqësore në Hagë.
