Sipas burimeve izraelite, komandot e Mossadit, në koordinim të ngushtë me ushtrinë izraelite (IDF), arritën të ndërtonin një bazë për dronë pranë Teheranit. Dronët nga ajo bazë u përdorën gjatë natës për të shkatërruar raketat iraniane që synonin Izraelin.
Operacionet përfshinin kontrabandën e sistemeve të sofistikuara të armëve brenda Iranit, si dhe vendosjen e raketave të drejtuara me precizion pranë sistemeve të mbrojtjes ajrore të Iranit. Këto lëvizje ua mundësuan avionëve izraelitë të fitonin epërsi ajrore mbi qiellin iranian.
Një burim nga strukturat e sigurisë theksoi se operacionet ishin rezultat i përgatitjeve me vite të kryera nga shteti izraelit.
Ky informacion vjen pasi forcat izraelite kryen një sërë sulmesh ndaj objektivave brenda Iranit këtë mëngjes./Periskopi/
