residenti i Shteteve të Bashkuara, Donald Trump, ka shprehur publikisht zhgënjimin e tij të thellë ndaj Rusisë, duke kritikuar dështimin për të arritur një marrëveshje armëpushimi me Ukrainën – pavarësisht përpjekjeve të përsëritura diplomatike.
“Jam shumë i zhgënjyer nga Rusia. Jam shumë i zhgënjyer që marrëveshja midis Rusisë dhe Ukrainës nuk është arritur ende,” – deklaroi Trump, sipas mediave ndërkombëtare.
Përpjekjet për një armëpushim, qoftë edhe të përkohshëm, kanë dështuar disa herë, ndërsa luftimet në terren vazhdojnë me intensitet të lartë. Trump ka bërë të ditur se është i gatshëm të ulet në tryezën e bisedimeve si ndërmjetës, por deri tani presidenti rus Vladimir Putin nuk ka dhënë asnjë sinjal për ta pranuar këtë ftesë.
“E di që nuk është e lehtë të arrihet paqja, sidomos në këtë fazë të konfliktit,” – tha Trump, duke shtuar se do të bëjë “të pamundurën për të ndalur luftën që çdo ditë po merr jetë njerëzish të pafajshëm”.
Deklaratat e presidentit vijnë në një moment kritik, kur komuniteti ndërkombëtar po shton presionin për gjetjen e një rruge drejt zgjidhjes paqësore të luftës në Ukrainë, e cila po hyn në një fazë gjithnjë e më të rrezikshme për sigurinë europiane dhe globale.
