Policia e Kosovës ka raportuar për një rast të posedimit të paautorizuar të substancave narkotike në Kaçanik, gjatë orëve të para të mëngjesit së sotëm.
Rreth orës 00:30, patrulla policore e stacionit të Kaçanikut, duke patrulluar në fshatin Bajnicë, ndaloi një veturë të tipit Mercedes me targa vendore. Gjatë kontrollit, tek pasagjeri I.Xh., 21 vjeç, u gjetën mjete dhe substanca që dyshohet të jenë narkotikë: marihuanë, mulli për bluarje, një paketë rizlla dhe një cigare e mbushur me substancë narkotike. Të gjitha sendet janë sekuestruar si prova materiale.
I dyshuari u shoqërua në stacion policor për intervistim, ndërsa për rastin është njoftuar Njësia e Antidrogës, që tashmë ka marrë përsipër procedurat e mëtejshme.
Prokurori i shtetit ka autorizuar nisjen e rastit dhe, pas intervistimit, ka urdhëruar lirimin e të dyshuarit në procedurë të rregullt.
Policia apelon për vigjilencë të shtuar dhe bashkëpunim të qytetarëve në raportimin e rasteve të natyrës së ngjashme.
