Analisti politik Afrim Kasolli tha se Kosova po përballet me pasoja serioze për shkak të krizës institucionale.
“Po e mbajnë peng fatin politik të Kosovës, veçanërisht sa i përket qasjes së saj në arenën ndërkombëtare”, tha ai.
Sipas Kasollit, Kosova është vendi i vetëm në rajon që ka mbetur pa përfituar nga fondet e Planit të Rritjes së Bashkimit Evropian.
“Vetëm Kosova ka mbetur e bllokuar ekskluzivisht për shkak të bllokadës politike”, deklaroi ai.
Kasolli vlerësoi se rezoluta e Parlamentit Evropian sjell mesazhe pozitive, por kërkoi nga partitë politike ta zhbllokojnë situatën.
“Nëse subjektet politike nuk arrijnë të gjejnë zgjidhje, Kosova mbetet e bllokuar”, paralajmëroi ai.
