KEDS ka njoftuar se të enjten, më 2 prill, do të realizohen punime në rrjetin energjetik, duke shkaktuar ndërprerje të përkohshme të energjisë elektrike në disa qytete dhe zona të vendit.
Prishtinë
Në disa zona të kryeqytetit do të ketë ndërprerje nga ora 09:00 deri në 18:00 dhe në intervale të tjera gjatë ditës. Punimet përfshijnë mirëmbajtje të rrjetit, projekte investive dhe ndërhyrje teknike në kabllo. Preken zona si Bardhoshi, Bërnica e Ulët, Sibovci, Shipitulla, Grabovci, si dhe pjesë të rrugëve kryesore dhe bizneseve përreth.
Prizren
Ndërprerje të energjisë do të ketë nga ora 11:00 deri në 13:00 në zona si Reshtani, Studenqani dhe Samadrexha, për shkak të punimeve në projektin energjetik “TS Peqani i Vogël”.
Gjakovë
Nga ora 09:00 deri në 16:00, ndërprerje do të ketë në lagjen Brekoc dhe disa fshatra përreth si Moglica, Raça, Jahoci dhe Zhubi. Arsyeja lidhet me projekte investive dhe dislokim të kabllove të vjetra.
Gjilan
Në rajonin e Artanës, nga ora 10:00 deri në 15:30, pa energji do të mbesin disa fshatra si Vllasalia, Koznica, Llabjani, Kukavica dhe zona të tjera përreth, për shkak të mirëmbajtjes preventive të rrjetit.
KEDS apelon që qytetarët të planifikojnë aktivitetet e tyre paraprakisht, pasi ndërprerjet janë të domosdoshme për sigurinë dhe stabilitetin e sistemit energjetik.
