Sipas njoftimit, ndërprerjet do të prekin disa zona në Prishtinë, Mitrovicë, Gjakovë dhe Gjilan, në intervale të ndryshme kohore gjatë ditës.
Në rajonin e Prishtinës, ndërprerjet do të ndodhin nga ora 09:00 deri në 18:00 në zona si Bardhosh, Bërnicë, Trudë dhe rrugë të ndryshme në qytet, ndërsa në Fushë Kosovë dhe zonat përreth si Miradi, Mesbardh dhe Sllatinë, ndërprerjet do të jenë nga ora 13:00 deri në 15:30. Një ndërprerje më e shkurtër nga ora 09:00 deri në 13:00 do të prekë rrugën “Nekibe Kelmendi”.
Në rajonin e Mitrovicës, konkretisht në zonat Tërllabuq dhe Pasomë, ndërprerjet do të zgjasin nga ora 11:00 deri në 14:30 për shkak të punimeve në rrjet.
Në Gjakovë, disa rrugë dhe pjesë të Rahovecit do të mbesin pa rrymë nga ora 12:00 deri në 14:00 për shkak të riparimeve në rrjet.
Ndërsa në Gjilan, një pjesë e qytetit, përfshirë zonën te “Xhamia e Medresesë”, do të përballet me ndërprerje nga ora 10:00 deri në 15:00.
KEDS bën të ditur se këto ndërhyrje janë të domosdoshme për mirëmbajtjen dhe sigurinë e sistemit energjetik, duke kërkuar mirëkuptimin e qytetarëve për ndërprerjet e përkohshme.
