Kompania për Distribuimin e Energjisë Elektrike në Kosovë ka njoftuar se të premten, më 30 janar 2026, do të kryhen punime të domosdoshme për sigurinë e sistemit energjetik në disa rajone të Kosovës. Si pasojë e këtyre punimeve, në disa lokalitete do të ketë ndërprerje të përkohshme të furnizimit me energji elektrike.
Sipas njoftimit të KEDS-it, ndërprerjet do të zhvillohen sipas këtij orari dhe këtyre rajoneve:
Prishtinë
-
Nga NS 35/10 kV Fushë-Kosova, dalja 10 kV Miradi e Epërme do të ndërpritet nga ora 11:00 deri në 15:30.
Pa energji mbesin: Miradi e Epërme, Miradi e Poshtme dhe disa biznese përreth.
Arsyeja: Vendosja e shtyllave të tensionit të mesëm në kuadër të projektit “TS Ashkalitë II & TS Hashkalitë”. -
Nga NS 220/35/10 kV Podujevë, dalja 10 kV Fshatrat 2 do të ndërpritet nga ora 11:00 deri në 13:00.
Pa energji mbesin: Sibofc, Lluzhan, Penuhë, Lupç i Epërm, Llugë, Majac dhe Popovë.
Arsyeja: Rregullimi i ndarësit për siguri të sistemit.
Pejë
-
Nga Stabilimenti 10 kV Klina, dalja Klina 3 do të ndërpritet nga ora 10:00 deri në 16:00.
Pa energji mbesin: Një pjesë e qytetit të Klinës dhe disa fshatra përreth.
Arsyeja: Revizion i trafostacionit 10/0.4 kV Qendra Sociale. -
Nga TS 110/10(20) kV Peja 2, dalja 10 kV Dardania 2 do të ndërpritet nga ora 13:00 deri në 16:00.
Arsyeja: Vendosja e shtyllës kyçëse sipas pëlqimit elektro-energjetik.
Ferizaj
-
Nga NS 110/35/10 kV Lipjan, të gjitha daljet 10 kV do të jenë pa tension nga ora 10:00 deri në 14:00.
Pa energji mbesin: Një pjesë e madhe e qytetit të Lipjanit, disa fshatra dhe konsumatorë industrialë.
Arsyeja: Instalimi i kthinës së re dalëse sipas pëlqimit elektro-energjetik. -
Dalja 10 kV Konjuh do të ndërpritet po ashtu nga ora 10:00 deri në 14:00.
Mitrovicë
-
Nga NS 110/10(20) kV Skenderaj, dalja 10 kV Qyteti II do të ndërpritet nga ora 10:00 deri në 16:00.
Arsyeja: Punime sipas pëlqimit elektro-energjetik.
Gjilan
-
Nga TS 35/10 kV Kllokot, dalja 10 kV Industriali–Kllokot do të ndërpritet nga ora 09:00 deri në 12:00.
Pa energji mbesin: Mogillë, një pjesë e Vitisë dhe zona industriale përreth.
Arsyeja: Punime sipas pëlqimit elektro-energjetik.
KEDS ka apeluar tek qytetarët për mirëkuptim, duke theksuar se punimet janë të domosdoshme për rritjen e sigurisë dhe stabilitetit të rrjetit elektrik.
