Kompania për Distribuimin e Energjisë Elektrike në Kosovë (KEDS) ka bërë të ditur se gjatë ditës së sotme do të kryhen punime të domosdoshme për sigurinë e sistemit energjetik, si dhe për realizimin e projekteve investive dhe kërkesave nga palë të treta. Si rezultat, në disa rajone të Kosovës do të ketë ndërprerje të përkohshme të furnizimit me energji elektrike.
Rajoni i Prishtinës
Në Fushë-Kosovë dhe lagje të ndryshme të kryeqytetit, do të ketë ndërprerje nga ora 10:00 deri në 16:00, përfshirë edhe lagjet Lagjja e Spitalit, rr. Muharrem Fejza, Zllatar, Matiçan, e të tjera. Shkaku janë punimet për vendosjen e transformatorëve të rinj dhe instalimin e paneleve elektrike 0.4kV.
Rajoni i Pejës
Në komunën e Klinës, përfshirë fshatra si Kërnicë, Ranoc, dhe Shtupel, ndërprerjet do të ndodhin nga ora 10:00 deri në 12:00 për shkak të bartjes në tensionin e mesëm dhe pastrimit të trasesë. Po ashtu, në Dollc, do të ketë ndërprerje për modifikim të daljes 0.4kV.
Rajoni i Prizrenit
Në zonën e Therandës (Suharekës), në fshatra si Shpendajë, Caparc, Smaç, Velezhë dhe Korishë, do të ketë ndërprerje në dy periudha – në mëngjes dhe pasdite – për shkak të montimit të ormanëve dhe largimit të urave të tensionit.
Rajoni i Ferizajt
Punimet do të prekin zonat Gaçkë, Bajnicë, Sllatinë dhe fshatra përreth, ku ndërprerjet do të zgjasin nga ora 10:30 deri në 15:00. Ndërprerje do të ketë edhe në Magurë, për shkak të investimeve në rrjetin elektrik dhe ndërrimit të pajisjeve të vjetra.
Rajoni i Mitrovicës
Në komunën e Skenderajt, disa zona si Runik, Kastriot, Qubreli e të tjera, do të jenë pa rrymë nga ora 10:30 deri në 14:30 për shkak të mirëmbajtjes së rrjetit dhe punimeve nga palë të treta në trafostacionin e Llaushës.
Rajoni i Gjakovës
Në fshatrat e komunës së Rahovecit si Hoçë e Madhe, Nagavc, Zoçishtë dhe të tjerë, ndërprerja do të zgjasë nga ora 10:00 deri në 13:00. Arsyeja është ngritja e shtyllave të tensionit të mesëm si pjesë e projekteve investive.
KEDS u bën thirrje qytetarëve që të kenë mirëkuptim për këto ndërprerje të përkohshme, të cilat janë të nevojshme për përmirësimin e sigurisë dhe cilësisë së furnizimit me energji elektrike.
