E enjtja në Kosovë do të sjellë mot paksa më të freskët, me intervale dielli dhe vranësira që gjatë ditës pritet të zhvillohen, duke kushtëzuar rrebeshe lokale shiu, të shoqëruara me vetëtima dhe bubullima. Temperaturat do të pësojnë një ulje të lehtë, ndërsa vlerat maksimale parashikohen të arrijnë deri në 27–28°C.
Edhe në Shqipëri, Maqedoninë e Veriut, Luginën e Preshevës dhe Mal të Zi e enjtja do të karakterizohet nga mot me diell dhe vranësira lokale. Temperaturat do të shënojnë rënie të lehtë, ndërsa pasditja dhe mbrëmja pritet të sjellin rrebeshe lokale shiu me bubullima, më të shpeshta në zonat bregdetare dhe malore, e më të rralla në Maqedoni.
Meteorologët theksojnë se reshjet ende nuk do të jenë gjithëpërfshirëse, por do të shfaqen në formë të lokalizuar.
