Pas kalimit të një fronti të ftohtë gjatë mëngjesit të së enjtes, temperaturat në Kosovë kanë shënuar ulje të ndjeshme.
Sipas parashikimeve, nesër (e premte) do të mbajë mot me diell, por i freskët, sidomos në orët e para të ditës, kur termometri pritet të zbresë deri në 8°C. Gjatë ditës do të fryjnë erëra nga veriu dhe verilindja, ndërsa temperaturat maksimale do të arrijnë deri në 24°C.
Edhe në Shqipëri, Maqedoninë e Veriut, Luginën e Preshevës dhe Mal të Zi parashihet mot kryesisht me diell. Në zonat mesdhetare do të mbetet i nxehtë, ndërsa në viset kontinentale do të jetë pak më freskët. Në veri dhe veriperëndim të Shqipërisë priten erëra herë pas here të fuqishme nga verilindja. Temperaturat do të pësojnë një rënie të lehtë, por në Ultësirën Perëndimore mbetet ende nxehtë. Mot i kthjellët, por më i freskët, do të karakterizojë fundjavën në të gjithë rajonin.
