Qeveria e Kosovës ka miratuar paketën e sanksioneve të Bashkimit Evropian ndaj Federatës Ruse dhe Bjellorusisë, duke u rreshtuar plotësisht me politikën e jashtme të BE-së.
Propozimi për vendosjen e sanksioneve erdhi nga Ministria e Punëve të Jashtme dhe u miratua në mbledhjen e ekzekutivit.
Çfarë përfshijnë sanksionet?
Pakoja e masave ndëshkuese synon disa sektorë kyç:
-
Sektorin e energjisë
-
Financat dhe sistemin bankar
-
Kompleksin ushtarako-industrial
-
Tregtinë dhe furnizimin me mallra
-
Shërbimet strategjike
Po ashtu, përfshihen masa që lidhen me lëvizjen e diplomatëve rusë, në përputhje me vendimet e vendeve anëtare të BE-së.
Zëvendëskryeministri dhe ministri i Punëve të Jashtme, Glauk Konjufca, deklaroi se këto masa janë në linjë të plotë me politikat dhe qëndrimet e Bashkimit Evropian.
Me këtë vendim, Kosova konfirmon harmonizimin e vazhdueshëm me politikën e përbashkët të jashtme dhe të sigurisë të BE-së, duke mbështetur masat ndërkombëtare ndaj agresionit rus në Ukrainë.
