Të dielën, Kosova pritet të përballet me kushte atmosferike të paqëndrueshme. Sipas parashikimeve, dita do të karakterizohet me intervale me diell, por edhe me vranësira të shpeshta që herë pas here do të sjellin rrebeshe lokale shiu të shoqëruara me vetëtima dhe bubullimë.
Meteorologët njoftojnë se temperaturat do të pësojnë ulje të lehta, më të theksuara në zonat ku pritet të ketë reshje dhe shtim të vranësirave. Vlerat minimale do të zbresin deri në 16 gradë Celsius, ndërsa maksimalet do të arrijnë deri në 32 gradë Celsius.
