Komisioni Qendror i Zgjedhjeve (KQZ) ka njoftuar se të gjitha vendvotimet në mbarë Kosovën janë të hapura dhe procesi i votimit po zhvillohet sipas planifikimeve.
Në një komunikatë për publikun, KQZ ka ftuar qytetarët që të ushtrojnë të drejtën e tyre demokratike dhe të votojnë. Para se të shkojnë në vendvotim, qytetarët mund të kontrollojnë qendrën e tyre të votimit duke vizituar faqen zyrtare 👉 https://qv.kqz-ks.org, ku mjafton të shkruajnë datën e lindjes dhe numrin personal për të marrë informacionin e saktë.
KQZ ka rikujtuar gjithashtu se për të votuar, secili qytetar duhet të ketë me vete një dokument identifikimi të vlefshëm – letërnjoftim, pasaportë ose leje vozitjeje.
Institucioni ka bërë të ditur se procesi i votimit po zhvillohet i qetë dhe nën monitorimin e komisionerëve dhe vëzhguesve të akredituar në të gjitha komunat e vendit.
