E ardhmja e mesfushorit shqiptar Kristjan Asllani tek Interi është drejt fundit. Klubi zikaltër ka bërë të qartë se lojtari pritet të largohet gjatë merkatos së verës, ndërsa interesimi për shërbimet e tij tashmë ka nisur të konkretizohet.
Një nga skuadrat më të interesuara është Fiorentina, por sipas raportimeve të “TuttoMercatoWeb”, pengesa kryesore për realizimin e transferimit mbetet vlera që Interi i ka vendosur futbollistit: 18 deri në 20 milionë euro – shumë që tejkalon mundësitë aktuale të klubit vjollcë.
Asllani, i cili ka kontratë me Interin deri në vitin 2028, iu bashkua klubit nga Empoli në vitin 2023, për një shumë të afërt me 15.7 milionë euro. Gjatë sezonit të fundit, ai u aktivizua në 39 ndeshje në të gjitha kompeticionet, duke shënuar 3 gola dhe dhënë 3 asistime.
Megjithëse nuk ka ende një marrëveshje të afërt, situata e Asllanit pritet të zhvillohet më tej në javët në vijim, ndërsa merkatoja e verës vazhdon të sjellë lëvizje të rëndësishme në Serie A.
