Kryeministri i Republikës së Kosovës, Albin Kurti, vazhdoi konsultimet me partitë politike të pakicave për formimin e qeverisë së re. Në këtë kuadër, ai mirëpriti ministrin për Komunitete dhe Kthim, Nenad Rashiq, dhe kryetarin e Partisë për Liri, Drejtësi dhe Mbijetesë.
Gjatë diskutimit, Rashiq shprehu mbështetje të plotë për Kryeministrin Kurti dhe për vazhdimin e bashkëpunimit të frytshëm edhe në mandatin e ardhshëm. Kryeministri Kurti e falënderoi Rashiq për kontributin e tij të çmuar për komunitetin serb gjatë gjysmës së mandatit të kaluar dhe shprehu gatishmërinë për të vijuar bashkëpunimin efektiv në mandatin e ardhshëm, me qëllim arritjen e sukseseve dhe avancimin e punës në shërbim të të gjithë qytetarëve të Kosovës.
