Kryeministri në detyrë i Republikës së Kosovës, Albin Kurti, së bashku me ministrin në detyrë të Administrimit të Pushtetit Lokal, Elbert Krasniqi, realizoi sot vizita zyrtare në të dy komunat e Mitrovicës – atë të veriut dhe të jugut – me fokus në përmirësimin e bashkëpunimit ndërinstitucional dhe përkrahjen e zhvillimit lokal.
Vizita nisi në Mitrovicën e Veriut, ku kryeministri u prit nga kryetari i komunës, Erden Atiq. Gjatë takimit, Kryeministri Kurti u njoftua nga Atiq për punët dhe projektet që janë realizuar deri më tani, me theks të veçantë në ato që kanë për qëllim zhvillimin ekonomik dhe përmirësimin e shërbimeve për të gjithë qytetarët, pa dallim.
Më pas, kreu i qeverisë u ndal në Mitrovicën e Jugut, ku u takua me kryetarin Bedri Hamza. Në këtë takim u diskutua për forcimin e bashkëpunimit ndërmjet qeverisë qendrore dhe asaj lokale, me synim përkrahjen dhe shtyrjen përpara të iniciativave dhe projekteve që sjellin përfitime konkrete për komunën dhe qytetarët e saj.
Vizitat e sotme nënvizojnë rëndësinë që qeveria i kushton bashkëpunimit institucional dhe zhvillimit të balancuar të të gjitha komunave në Kosovë, pa dallim të përkatësisë gjeografike apo etnike.
