Kryeministri në detyrë i Kosovës, Albin Kurti, ka ushtruar sot të drejtën e tij të votës te Fakulteti Juridik.
Pas votimit, Kurti bëri thirrje për pjesëmarrje aktive qytetare, duke theksuar rëndësinë e zgjedhjeve lokale:
“Votojmë për të vendosur për katër vitet në komunat e Kosovës. Ne vendosim për shkollat, çerdhet, ujin e pijës. Ftoj të gjithë qytetarët pa dallim që ta shfrytëzojnë të drejtën për t’u bërë hisedarë në zgjidhjen e problemeve dhe plotësimin e nevojave që kanë.”
Ai nënvizoi se çdo votë ka ndikim direkt në përmirësimin e jetës së përditshme të qytetarëve, duke i ftuar të gjithë të angazhohen në procesin zgjedhor.
