Autoritetet rrugore në Serbi kanë përforcuar sistemin e monitorimit të trafikut përgjatë autostradave kryesore, duke instaluar kamera për matjen e shpejtësisë mesatare në disa seksione nga Beogradi drejt qyteteve kryesore si Nishi, Subotica dhe Shidi.
Sistemi i kamerave nuk mat vetëm shpejtësinë momentale, por lëvizjen mes dy pikave, duke regjistruar kohën e kaluar mes tyre dhe përllogaritur shpejtësinë mesatare të udhëtimit – çka ndihmon në identifikimin e shkeljeve edhe nëse drejtuesit e automjeteve ngadalësojnë vetëm pranë radarëve të zakonshëm.
➤ Kamera nga Beogradi në Nish – gjithsej 13 pika monitorimi në të dy drejtimet:
-
Vërçin – Mali Pozharevac
-
Mali Pozharevac – Umçari
-
Umçari – Vodanj
-
Vodanj – Smederevë
-
Smederevë – Plana e Madhe
-
Plana e Madhe – Markovac
-
Markovac – Batoçinë
-
Batoçinë – Jagodinë
-
Jagodinë – Paraqin
-
Paraqin – Pojate
-
Pojate – Aleksinac
-
Aleksinac – Nish (jug)
-
Aleksinac – Nish (veri)
➤ Kamera nga Beogradi në Suboticë – 7 pika monitorimi në të dy drejtimet:
-
Inxhija – Beshka
-
Beshka – Kovilj
-
Kovilj – Novi Sad (jug/veri)
-
Novi Sad – Zmajevë
-
Zmajevë – Vrbas
-
Vrbas – Baçka Topola
-
Baçka Topola – Žednik
➤ Kamera nga Beogradi në Shid – 4 pika monitorimi në të dy drejtimet:
-
Peçinci – Ruma
-
Ruma – Sremska Mitrovicë
-
Sremska Mitrovicë – Kuzmin
-
Kuzmin – Adashevci – Moroviq
➤ Monitorim shtesë me radarë mobilë
Përveç kamerave statike, autoritetet kanë vendosur edhe vetura të pajisura me radarë mobilë në stacionet e karburantit përgjatë Koridorit 10, për të identifikuar shkeljet në kohë reale.
Këshillë për udhëtarët shqiptarë dhe ndërkombëtarë:
Nëse jeni duke udhëtuar transit nëpër Serbi, respektoni kufizimet e shpejtësisë në çdo segment rrugor. Shkeljet e regjistruara përmes sistemit të kamerave për shpejtësinë mesatare ndëshkohen automatikisht dhe mund të përfundojnë me gjoba të drejtpërdrejta ose bllokim dokumentesh në kufi.
Mos harroni – ruani jetën, respektoni rregullat!
