Në një postim që shkel çdo kufi të arsyes dhe etikës, Sami Kurteshi i Lëvizjes Vetëvendosje, ka shpërthyer me një gjuhë skandaloze, plot fyerje dhe shpifje të ulëta ndaj Asociacionit të Gazetarëve të Kosovës (AGK).
Me një retorikë brutale dhe të mbushur me paranojë konspirative, ai e ka quajtur AGK-në “Aleancë të Grupeve Kriminale”, duke shkuar deri në ekstrem me akuza absurde.
Reagimi i tij erdhi pasi AGK dënoi ashpër fjalorin e tij të përdorur të mërkurën ndaj Nacionales, duke e cilësuar si kërcënues dhe nxitës të urrejtjes.
Kurteshi e intensifikoi sulmin duke përdorur terma skajshmërisht brutal.
“Kriminelët vrastarë të llojit e sojit të tillë, duke u frikësuar nga hija e tyre e përbindëshme vrastare që shohin në pasqyren mëngjesore, rrezikimin e sojit të tyre e pasqyrojnë te të tjerët. Qëllim dhe shpërfaqje e neveritshme, e pështirë kutërbuese.”
Postimi i plotë nga Kurteshi:
Reagim në reagimin e AGK sot
Komenti im:
AGK që moti ka pushuar të jetë mbrojtëse e gazetare/ëve.
Që moti është shndërruar në Aleancë të Grupeve Kriminale (AGK).
Viktimizimi i kriminelëve të mbështjellur me velon e “gazetarit”, në mesin e tyre të vrasësve me pagesë të dinjitetit njerëzor, është “lot krokodili”.
Kriminelët vrastarë të llojit e sojit të tillë, duke u frikësuar nga hija e tyre e përbindëshme vrastare që shohin në pasqyren mëngjesore, rrezikimin e sojit të tyre e pasqyrojnë te të tjerët. Qëllim dhe shpërfaqje e neveritshme, e pështirë kutërbuese.
Askush, në asnjë rast, nuk i përfillë, ashtu siç kërkojnë me ngulm, e lëre më t’i rrezikojë.
Halli i sojit e sorollopit të tyre nuk është as rrezikimi, as pengimi, as “gjuha fyese”, as kërcënimi, as cenimi i “sigurisë së gazetarëve” e as i “lirisë së medias”.
Halli i tyre është pikërisht se nuk e durojnë Lirinë e Mendimit ndryshe dhe Lirinë e Shprehjes, monopolin e të cilave e gjakojnë për qëllime kriminale.
Brenga e shqetësimi i tyre thelbor është se narracioni i tyre kriminal e vrastar nuk po arrin të krijojë diskurs publik. Kaq!
Për AGK nuk ka respekt!
Poshtë!
#AleancaeGrupeveKriminale
