Sot u mbajtën homazhe për zyrtarin policor Triumf Riza dhe u vendos gurthemeli për memorialin kushtuar policëve të rënë në krye të detyrës. Ceremonia u zhvillua me pjesëmarrjen e institucioneve shtetërore, familjarëve dhe qytetarëve.
Kryeministri në detyrë, Albin Kurti, theksoi sakrificën dhe guximin e Rizës, i cili u vra mizorisht para 18 vitesh në lagjen Dardania. “Triumf Riza ishte një shembull për të gjithë, i përkushtuar ndaj drejtësisë dhe luftës kundër krimit. Sot ai është hero i Kosovës dhe inspirim për çdo zyrtar shteti”, tha Kurti.
Ministri në detyrë i Punëve të Brendshme, Xhelal Sveçla, e cilësoi Rizën si simbol të luftës kundër krimit në kryeqytet, ndërsa drejtori i Policisë së Kosovës, Gazmend Hoxha, e vlerësoi si një oficer shembullor të njësive speciale.
