Kryeministri i Kosovës, Albin Kurti, ka prezantuar kandidatët e Lëvizjes Vetëvendosje për tri komunat në veri të vendit, duke i cilësuar si garanci për qeverisje të lirshme dhe zhvillim gjithëpërfshirës.
Në Leposaviq, kandidati do të jetë Lulzim Hetemi; në Zubin Potok, Vedat Mehmeti; dhe në Zveçan, Fetah Peci. Sipas Kurtit, këto komuna “frymojnë ndryshe” dhe tashmë qeverisen lirshëm, duke u hapur rrugë shërbimeve më cilësore dhe mundësive të barabarta për të gjithë qytetarët, pa dallim etnie apo komuniteti.
Zgjedhjet e parakohshme komunale në këto tri komuna janë planifikuar për 12 tetor, me Kurtin që theksoi se kandidatët e propozuar do të punojnë për “zhvillim të gjithmbarshëm dhe mirëqenie për të gjithë”.
