Në një intervistë ekskluzive për rrjetin amerikan CBS, Jared Kushner, dhëndri i ish-presidentit amerikan Donald Trump, dhe Steve Witkoff, i dërguar i posaçëm në procesin e ndërmjetësimit, kanë zbuluar detaje të panjohura nga prapaskenat e marrëveshjes për armëpushim dhe lirimin e pengjeve mes Hamasit dhe Izraelit.
Sipas tyre, një bombardim izraelit, i cili rrezikoi të dështonte tërësisht marrëveshjen, detyroi Trumpin të ndërhynte fuqishëm për të shmangur përshkallëzimin e mëtejshëm të konfliktit.
“Trump ndjeu se izraelitët po dilnin disi jashtë kontrollit,” tha Kushner gjatë intervistës, duke theksuar momentet e tensionuara të negociatave.
“Në atë moment duhej të ishim shumë të rreptë dhe t’i ndalonim ata (izraelitët) nga veprime që, sipas mendimit të presidentit, nuk ishin në interesin e tyre afatgjatë,” shtoi ai.
Intervista e plotë do të transmetohet të dielën në mbrëmje në CBS, dhe pritet të hedhë dritë mbi roli real të Trump në arritjen e armëpushimit që ndali përkohësisht luftimet dhe mundësoi lirimin e dhjetëra pengjeve nga Gaza.
