Kuvendi i Kosovës ka njoftuar se sot do të mbahet seanca e radhës për konstituimin e Kuvendit, e cila do të zhvillohet në orën 10:00. Gjatë kësaj seance, Lëvizja Vetëvendosje (LVV), si partia fituese e zgjedhjeve, do të provojë përsëri të zgjedhë kryetaren e Kuvendit.
Në seancën e fundit, LVV kishte tentuar të ndryshojë mënyrën e votimit për të lehtësuar zgjedhjen e kryetares, por nuk arriti të sigurojë votat e mjaftueshme për të realizuar këtë ndryshim.
Për gjashtë seanca rresht, LVV ka dështuar të mbledhë 61 vota të nevojshme për të zgjedhur Albulena Haxhiun në pozitat e kryetares së Kuvendit. Pas këtij dështimi të përsëritur, mbetet të shihet nëse sot do të mund të arrihet një marrëveshje për zgjedhjen e kryetares dhe përfundimin e procesit të konstituimit të Kuvendit.
